Jamita Minggu Palmarum 01 April 2012

Markus 11 : 1 – 11
MANOMU ALA NAUNG TANGKAS MANANDA JESUS
Turpuk on ima mamaritahon taringot tu pardalanan ni Tuhan Jesus rap dohot siseanna mamongoti huta Jerusalem. Nasida laho tusi naeng marpesta Paskah. Sasintongna pardalanan na dokdok do on di Tuhan Jesus, ai ingkon gohanNa nama parsuruon ni AmaNa tu Ibana di portibi on. AdopanNa nama hau pinorsilang, ai Ibana do Mesias naung binagabagahon ni Debata.
Di naung jonok nasida tu huta na margoat Betpage dohot Betania, disuru Tuhan Jesus ma dua halak  siseanna mambuat halode na tambat di sada sosor bahen hundulanNa (ay. 2; Laho ma hamu tu sosor na di jolomuna an…. dapot hamu ma tambat disi sada anak ni halode). Marhite i dipatuduhon do: Jesus do nampuna saluhutna na adong di portibi on, ai di boto do manang didia angka nampunaNa i maringanan jala boha situasi/ kondisina (naso boi diida mata ni jolma, ungkap do di jolo ni Jesus). Jala tarida do disi hubungan kerjasama na denggan antara Jesus dohot siseanna, ai dioloi siseanNa na dua i do parsuruon ni Jesus. Jala Jesus tongtong marpanatapan tu jolo, dibohali do siseanna i taringot tu aha na naeng adopan nasida. Didok Jesus “Molo adong na manungkun, dok hamu ma: Na porlu di Tuhan i do i (ay. 3)”.
Dung saut dibuat sisean i halode i, ditogu ma tu Jesus, diampehon ma ulos tu atasna  jala marsihundul ma Jesus disi (ay. 7). Pilihan “Halode” songon parsihundulan ni Jesus naeng patoranghon taringot tu harajaon ni Jesus na gok halambohon dohot hadameon, huhut di bagasan serep ni roha do Jesus mamasuhi huta Jerusalem. Jesus ro ndang na laho manggulut harajaon ni portibi jala mamboan bangso Israel malua sian gomgoman ni Halak Rom; alai Ibana ro mamboan hadameon jala mangusung sude dosa ni hajolmaon on tu abaraNa, songon anak ni halode i namangusung angka boban di tanggurungna. Marasing do sian “hoda” na jotjot dipangke angka raja ni portibi on mamasuhi sada huta. Hoda ima lambang ni kekuatan / parporangan.
Mansai denggan do penyambutan ni angka na torop i di Jesus. Dipahembang do ulosna tu tano i dipangamparhon angka bulung rata tu dalan i, huhut manjouhon: “Hosianna! Pinuji ma na ro marhiehite goar ni Tuhan i” (ay. 8-9). Sudena i patuduhon na tung mansai las situtu rohanasida di haroroni Tuhan Jesus di Jerusalem. Boasa tung mansai las rohanasida? Ala dihirim bangso i asa bangkit Jesus gabe raja manggomgomi bangso i, mamboan nasida malua sian angka parungkilon na sai laon. Di panghilalahon nasida do ndang adong hagogoon na gumogo sian  hagogoon ni Debata. Dibahen i penyambutan na pinatupa nasida tu Tuhan Jesus songon tanda do i mandok mauliate tu Debata ala nunga diparrohahon Debata nasida.
Panjangkonon na mansai meriah na pinatupa ni bangso Israel tu Tuhan Jesus holan sanghidop mata do, ai nasida do gabe balik mamparsilangkon Tuhan Jesus. Disi dang hombar tu na piningkiran nasida haroroni Tuhan Jesus. Jotjot situtu do dang hombar tu na adong di pingkiran/ sangkapta na masa di ngolunta. Torop do jolma manuanhon tu bagasan rohana molo nunga Tuhan Jesus na gabe donganna, sude angka na sinangkapan ni rohana ingkon tulus. Dibahen i taharingkothon ma panandaon di diri dohot panandaon di Tuhan Jesus.
Di Minggu Palmrum on, taingot ma angka pambahenan ni Jesus, mangurupi hita do i mananda ise do Jesus. Ima Debata parholongroha na so hatudosan, na rade mangalehon diriNa paluahon angka na tinompaNa. Amen.
Posted in Sermon/ Jamita | Leave a comment

Hatorangan ni Jamita Minggu 09 Oktober 2011


Psalm. 118 : 22 – 29

Huria ni Tuhanta na hinaholongan di bagasan Kristus Jesus, adong do pandohan ni halak Batak mandok “sala mandasor sega luhutan”, na marlapatan do i molo sala dasorna, ndang ture be luhutan i boi jongjong, mura ma i masursur, mura ma sega, jala eme na di luhutan i pe ndang be tutur, maol nama buaton laho mambuat biurna i. Suang songoni ma haporseaonta i, molo sala do dasor/ ojahan ni haporseaon i, sega do parngoluonta, ndang maratur be ngolunta on, jala boi ma mura hita mandele molo ro angka hamaolon di tongatonga ni ngolunta, olo ma mura hita mangulahon hajahaton di nglunta on. Ido na masa di tongatonga ni ngolu ni angka halak parbegu di tingki parngoluon ni parpsalmen on. Diparhatopot parpsalmen i do naung mansai godang sian angka parbegu manghaliangi ibana na marsangkap mandabuhon dohot mangambati ibana di ulaonna, alai laos disi do dihilala ibana gogo dohot pangurupion ni Debata paluahon ibana sian angka parbegu jala saut monang di paraloanna (ay. 13). Sasintongna di pamerengan ni angka parbegu di tingki i, ndang mararga be parpsalmen suang songoni bangso na ginonggomanna, ndang marguna be ngoluna tarsongon batu naung binolongkon ni angka pande bagas, na lea, naso tarpangke manang naso marlapatan be. Alai disi do ibana dipabangkit Debata gabe halak na margogo, gabe bangso na sangap jala na tarbarita tu angka luat na asing. Ibana do gabe batu parsuhi manang batu ojahan na arga situtu.
Hamu angka dongan, laos martudutudu do pandohan ni parpsalmen on tu hadirion ni Jesus Kristus na ro tu portibi on mamboan haluaon tu angka na porsea di Ibana. Ndang mararga Jesus di pamerengan ni bangso Israel/ Jahudi di tingki i. Haru i tahe penulakion/ pangaloon do dipatuduhon halak Jahudi maradophon Jesus. Huasona be do dipangasahon angka parhuaso laho mangaleai dohot manangkup Jesus, tarsongon epistel ta i molo tajaha disi, di tingki tartangkup si Petrus dohot si Johannes tu jolo ni angka sintua ni malim, gogogogo do soara nasida mandok “huaso nise dipangasahon ho patupahon i?” tarida do sian i ginjang ni roha ni angka parhuaso di tingki i na menganggap dirina tumimbo sian manang ise pe. Hape ndang diboto nasida Jesus na pinalea nasida, na dianggap ndang mararga, na binolongkoin nasida, Ibana do na gabe batu parsuhi, na arga, na sangap, siboan haluaon tu sude jolma na di hasiangan on. Ndada holan di tingki i, alai sahat tu ajal ni hasiangan on.
Huria ni Tuhanta….mansai arga parsiajaran na boi putihonta sian turpuk on, ima
1.    Soootung madabu hita tu pangalaho na niadopan ni Jesus sian angka halak Jahudi di tingki i. Sotung lea rohanta mida angka na gale, na pogos di na humaliangta. Adong do pandohan ni halak Batak mandok : “ndang hapolpolan mataniari binsar” ninna, na marlapatan do i ndang haambatan hita sangkap ni Debata, molo lomo rohaNa mangurupi angka na pogos i, na lea i boi do i muse gabe jolma na sangap, sumangap sian hita tahe. Alani taargahon ma angka donganta. Tabahen nasida doshon dirinta, rap na tinompa ni Debata.
2.    Naeng dohonon sian turpuk on, pasti do sude hita marpanghirimon di ngolu na tarpasupasu, di ngolu na marhasonangan (ay. 26). Alani sada do dalanna laho tusi ima taparangehon ma hataNa na badia i, tapahombar ma parngoluonta tu lomo ni rohaNa. Songon dia do na mangulahon lomo ni rohaNa? Ndada holan na burju marminggu, ndada holan na burju tu partangiangan, sotung tarimpu naung cukkup i amang inang dohot angka dongan na pungu dison, alana jotjot do hita on holan mamboto alai ndang mangantusi, mangantusi alai ndang porsea, porsea alai ndang manghangoluhon. Tarsongon Mat 7 : 21 i didok : “ndang sude na mandok Tuhan bongot sogot tu harajaon banua ginjang i”. Na naeng dohonon sian i ima dituntut do sian hita angka na porsea reaksi na lebih nyata dope ima panghangoluhononhon di hata ni Debata, huhut marhabiaran jala marposniroha na marhuaso jala mangolu do Debata.
3.    Naeng ma marhite turpuk on margogo hita mangadopi angka na maol di tongatonga ni ngolunta. Ndang hea ditadingkon Debata tarpunjung angka na hinaholonganNa, alai didongani jala diurupi do. Boi do hita mangadopi godang tantangan di tano on, alai ndang jadi hita mandele manang marsak ala ni i. Jesus (batu) naung binolongkon ni angka pande bagas i pe rade do manaon haporsuhon, sitaonon, hamatean jala monang marhite haheheonNa, mambaen Ibana bangkit gabe batu parsuhi naso tarpaunsat ni manang ise pe.
4.    Sada ulaon na mansai maol di tongatonga ni ngolunta ima manghasomalhon ngolu na mandok mauliate, tu dongan, tarlumobi tu Debata. Alani marhite turpuk on, tapanghilalahon ma pangurupion ni Debata, jala mandok mauliate ma hita di saluhut pambahenanNa, ai Ibana do pardengganbasa, jala rodi salelenglelengna do asinirohaNa (ay.29).  Amen.
Posted in Sermon/ Jamita | Leave a comment

Sermon Epistel Minggu XIX Dung Trinitatis, 10 Oktober 2010

                                               1 Timoteus 4 : 13 – 16

        Jongjong do huria na parjolo i songon parbue ni hasasaor ni Tondi Parbadia. Mangerbang do angka parpunguan ni halak Kristen, alai ihut tusi tubu do angka rumang ni parpoda haliluon na mambahen sumurut haporseaon ni rus ni huria i. Alani ndang tagamon so ganggu roha ni si Timoteus manguluhon huria i na didosak parpoda haliluon i, tarlumobi ala ni habajaronna dohot pengalaman na otik dope. Alani ma dipasahat apostel Paulus surat on laho mambohali si Timoteus asa lam tau manguluhon huria i dohot mangalo parpoda haliluon. Ingkon tongtong do si Timoteus paturehon roha nang pangalaho asa nang pe poso ibana di umur, alai matoras ma di hata dohot pangalahona songon sahalak siihuthon Kristus.
        Asa tau si Timoteus manguluhon huria i jala margogo mangalo parpoda haliluon, adong manang pigapiga siulahononna, ima:
1. Ringgas manjaha (ay. 13). Marhite na mandatdati manjaha buku na badia i, botoonna ma angka poda na sintong, dapot parsiajaran dohot hapistaran, gabe margogo mangadopi parpoda haliluon na malomalo manghatai.
2. Mangulahon pangapoion dohot pangajarion (didasko: mamodahon, manogunogu, paingothon, dohot mangalehon panuturion). Jesus Kristus do na gabe tiruan laho mangulahon pangajarion i. Ndang holan marjamita diula Jesus, dipatuduhon do hasintongan ni jamitaNa marhite pangajarion. Marhite i dipapatar Jesus hadirionna songon guru. Diajari Ibana na torop padengganhon paragamaon, pasahathon pelean, martangiang, dna.
3. Papatarhon tohonan na jinalona marhite na mamangke silehonlehon ni Debata dohot marparange na denggan (ay. 14 – 15). Marhite parange na denggan naeng patandahononna dirina sahalak naung matobang di hata ni Debata atik pe bajar umurna.
4. Mamatahon dirina dohot pangajarionna asa gabe tiruan na denggan di tongatonga ni ruas ni huria (ay. 16). Ndang cukup holan manangihon poda sian si Paulus ibana, alai ingkon dohot do pajamothon dirina sandiri.

Sian pangajarion ni si Paulus tu si Timoteus (turpuk on) tahirim do:
1. Jumpang angka parhalado sitiruon di tongatonga ni huria. Boi do lam sumurut haporseaon ni ruas molo ndang jumpang angka parange na denggan dohot sitiruon di ngolu ni parhaladona, molo ndang boi parhalado i gabe pangajari dohot mangalehon panuturion tu ruas ni huria. Sada contoh: boi do ndang tabo jamita ni siparjamita ala ndang diparade jamitana, ala ndang ringgas manjaha. Alani dipaingot do hita asa manguhal angka parbinotoan marhite sian na manjaha. Ai marhite i do lam tamba parbinotoan dohot hatauon di hita laho mangantusi dohot manjamitahon hata ni Debata.
2. Jumpang angka generasi muda na marhaporseaon na togu, tarlumobi di na mangadopi pengaruh ni hamajuon jaman na hatop mubauba.
3. Jumpang parsaoran na denggan di tongatonga ni keluarga. Marhite turpuk on dipapatar do hinaarga ni hubungan keluarga na rap marsaor manangkasi hata ni Debata. Tarida do i marhite pandohan di 1 Tim 1 : 2, “Mandapothon si Timoteus, anakhonku na tutu di bagasan haporseaon…” Jala keluarga i do media na dumenggan pangajaran di hata ni Debata (2 Tim 1 : 5). Molo sitiruon do natoras jala rade mangajari ianakhon marhite barita na uli, tung balga do panghorhon ni mambangun haporseaon jala gabe diboto manirang na denggan dohot na roa huhut diboto manjamothon dirina sian na so hinalomohon ni Debata.

Posted in Sermon/ Jamita | Leave a comment

Khotbah Minggu IV Trinitatis, 27 Juni 2010

1 Petrus 3 : 13 – 17
Kepahitan Hidup Adalah Berkat Bagi Orang Benar
      Kita berbuat kejahatan kepada orang lain, lalu kita kena hukum dan merasakan kesakitan; hal itu wajar dan biasa. Tetapi, jika kita melakukan kebaikan atau kebajikan kepada sesama, tetapi yang datang adalah justru fitnahan, kemarahan bahkan hukuman; ini baru tidak wajar dalam kehidupan kita. Kita berontak dan tidak dapat terima. Kita sebut itu fitnahan.
      Saudara, demikianlah yang dialami jemaat mula-mula. Mereka dengan rajinnya beribadah tetapi justru dituduh pemberontak. Mereka mengadakan Perjamuan Kudus, tetapi justru dituduh pembunuh sesama manusia dan “pengisap” darah manusia. Mereka begitu tekun berdoa, tetapi justru dikejar-kejar. Mereka membantu orang miskin dan berdiakonia tetapi dicurigai. Masih banyak lagi perbuatan yang mulia dan terpuji yang mereka lakukan tetapi justru yang dituai hasilnya adalah kekejian dan kekejaman. Petrus sadar akan hal tersebut. Maka sang Apostel ini menguatkan para pengikut Yesus, bahwa suatu berkat bagi umat kristen jika harus diterima kekejian buah dari kebaikan. Hanya saja, bagaimana ketahanan iman, hati dan pikiran kita menerima perlakuan tersebut.
      Jemaat Tuhan, di zaman saat ini kita menemukan hal tersebut. Bukankah kita yang rajin beribadah dengan pujian, doa dan “ringan tangan” memberi? Tetapi hidup kita sering tidak seiring dengan apa yang kita lakukan setiap harinya. Bukankan kita seorang yang budiman dan baik hati, tetapi mengapa begitu kejamnya orang lain kepada kita. Kita berusaha demi kebaikan keluarga kita; anak-anak misalnya, tetapi mengapa justru “air tuba” yang kita terima dari anak-anak kita. Demikian juga sang suami kita ataupun istri kita; bukankah kita sudag begitu baik kepada “dia”? Tetapi, mengapa justru kepahitan yang sering telan. Saudara, inilah cobaan iman bagi kita. Benar, Yesus sering membawa kita ke keadaan yang sangat sulit. Tetapi, ingatlah akan janjiNya, bahwa penderitaan yang kita derita itu akan digantikanNya menjadi “mahkota kehidupan” bagi kita kelak. Mari kira camkan juga, sungguh kita adalah yang terpuji jika mampu menderita karena kebaikan kita. Tetapi, alangkah malangnya kita jika kita hancur atau menderita karena kejahatan kita. Selamat Menyambut MBO, Mangompoi & Jubileum HKBP Parapat. Amin

Pdt. Antoni Manurung (HKBP Parapat)

Posted in Sermon/ Jamita | Leave a comment

Jamita Minggu II Dung Trinitatis, 13 Juni 2010

JOEL 1 : 8 – 20
“Joujou tu Jahowa”
        Hita angka na hinaholongan ni Tuhanta, dosa ima singkammabarbar bonsir ni uhuman ni Debata tu sude na tinompaNa.Ala ni dosa i, ingkon hona uhuman jolma i, dohot do nang angka suansuanan, binatang dohot tano on mangae uhuman ni Debata ala ni dosa ni jolma i. Ido na masa di tongatongani halak Jehuda di tingki ni panurirang Joel. Ndang adong be sian nasida na marhabiaran tu Jahowa, ndang adong be na olo martangiang tu Debata, tarulang bagas joro i ala so olo be jolma i marsaor dohot Debata. Saluhut do nasida mandao sian Debata jala ndang dihahologi nasida Debata. Ndang adong be keadilan di tongatonga ni masyarakat nang pamarenta. Tumagon do di nasida mabuk minum anggur dohot marsomba tu ganaganaan. Dison do ro panurirang Joel laho manurirangi di tongatonga nasida asa paubahon roha. Dipatubegehon panurirang Joel do rumang ni angka na naeng masa di tongatonga ni parngoluon ni bangso i, ingkon gok hamaolon dohot sitaonon ngolu nasida, ragam angka parungkilon dohot haporsuhon. Ai nangkok ma angka sihapor tu tano i mansai godang, so habilangan. Pasudaonna angka hau anggur nasida, rumpakhononna angka suansuanan jala matultul angka antajau. Alani ingkon marungkil, marsak jala maheu situtu nasida huhut anturaparon, ai nunga suda eme alani ladang naung tarulang, mahiang aek ni anggur, hau jetun na mansai rimbun hian gabe malos jala mate. Ndang holan nasida/ bangso Jehuda na marsak ala ni sitaonon i, dohot do nang angka pahanpahanan gabe marsingkor ala ni na masa i, suda ma angka jampalan di halongonan ala ni api na mangararati, jala mahiang aek siinumonna. Sandok ingkon siap nasida saluhutna ala ni hajungkaton nasida.
         Hamu angka dongan sahaporseaon di bagasan Kristus Jesus, di situasi ni bangso Jehuda na gok parungkilon dohot sitaonon ala ni rimas ni Debata tu nasida, margudompong jala maheu pangkilalaan ni panurirang Joel marnida na masa i. Alani diarahon nasida asa muba/ bertobat sian sude hajungkaton nasida. Hamubaon ni roha i ndang holan di hata manang pingkiran sambing, alai ingkon tangkas tarida marhite ulaon, pambahenan dohot pangalaho siganup ari. Adong pigapiga na ingkon ulahonon ni bangso i asa anggiat marpangulahi roha ni Debata mida nasida, na parjolo: ingkon sude nasida mangarsakhon huhut tumatangis/ mangandungi mangido hasesaan ni dosa tu Debata. Pangandungon i sarupa songon arsak, lungun, hansit ni roha ni sahalak parompuan naposo na ditadingkon haholongan ni rohana, ai mate ma tunanganna so jolo saut marhasohotan, di Alk bhs siganupari didok: “seperti gadis yang duka yang menangisi kematian tunangannya tercinta”. Huhut ingkon joujou nasida tu Debata mangido asi ni rohaNa (Psalm 50:15). Na paduahon: ingkon saluhut nasida mangulahon parpuasaon jala patupahon parpunguan ari raya di bagas joro ni Debata. Ndang holan marpuasa di sipanganon, alai dohot do di angka pambahenan/ pangalaho naso hinalomohon ni Debata. Ima patuduhon naso holan di hata pertobatan nasida i, alai adong tindakan na nyata na boi tarida. Ima dalan asa marpangulahi roha ni Debata marnida nasida. Molo diulahon bangso i do angka na pinodahon ni panurirang i, malua ma nasida sian angka parungkilon dohot sitaonon na masa di tongatonga ni ngolu nasida. Ai alusan ni Debata do angka na joujou tu Ibana, marpangulahi do rohaNa mida bangsoNa. Di 2:19 didok: “Ida ma, tongosonku ma di hamu eme dohot anggur dohot miak, asa butong hamu sian i; jala ndang be baenonku hamu marhaurahon di tongatonga ni angka bangso”.
        Hita angka na hinaholongan ni Tuhanta, boaboa ni panurirang Joel di turpuk on martudutudu do i tu “Ari ni Tuhan i”. Ala ni ingkon hobas, rade, jala unang lalap hita di angka dosa dohot hagiot ni portibi on. Luk. 21:34 mandok: Alai jaga hamu ma dirimuna, unang sorat rohamuna binahen ni parminumon dohot parmabuhon dohot panarihon di hangoluan on, gabe tompu ditahopi ari i hamu songon tali rambang”. Binsan ro asi ni roha ni Debata dohot holong ni rohaNa, tahalaputi ma mangulahon angka na denggan dohot na tama di adopan ni Debata. Godang do ruas ni huria na maralasan ndang ro tu bagas joro, na losok marminggu, angka naso peduli tu lingkungan (alam dohot angka pahanpahanan na marhosa), mangulahon angka hajahaton, tugasta ganup ma i laho paboahon uhuman ni Debata dohot haroro ni Tuhan i, huhut haluaon di angka na rade paubahon roha (Mark. 16:15-16).
Posted in Sermon/ Jamita | Leave a comment

Pesta Tahun Penatalayanan HKBP Distrik XIII Asahan Labuhanbatu

Dalam rangka menyambut jubileum HKBP yang ke-150 pada 2011 mendatang, HKBP membenahi pelayanannya dengan mengembangkan penataan organisasi, administrasi, personalia, keuangan dan inventaris. Tahun ini disebut sebagai “Tahun Penatalayanan HKBP” yang mengambil Tema: “Menuju Gereja yang Rapi Tersusun” (Ef. 4 : 16). Dan Sub Tema: “HKBP menyambut jubileun 150 tahun dengan menata diri menjadi gereja yang  sungguh-sungguh bersih, teratur, transparan, partisipatif dan akuntabel”. Hal ini dilaksanakan untuk mewujudkan visi HKBP: “HKBP berkembang menjadi gereja yang inklusif, dialogis dan terbuka serta mampu dan bertenaga mengembangkan kehidupan yang bermutu di dalam kasih Tuhan Yesus Kristus, bersama-sama dengan semua orang di dalam masyarakat global, terutama masyarakat Kristen demi kemuliaan Allah Bapa  yang mahakuasa, serta misinya “HKBP berusaha meningkatkan mutu segenap warga masyarakat, terutama warga HKBP melalui pelayanan-pelayanan gereja yang bermutu agar mampu melaksanakan amanat Tuhan Yesus dalam segenap perilaku kehidupan pribadi, kehidupan keluarga maupun kehidupan bersama segenap masyarakat manusia di tingkat lokal dan nasional, di tingkat regional dan global dalam menghadapi tantangan abad-21”. Dalam rangka pelaksanaan Tahun Penatalayana HKBP 2010 ini, maka setiap warga dan pelayan gereja HKBP baik di tingkat jemaat, resort, distrik dan pusat, diharapkan berpartisipasi seluas-luasnya dengan membentuk kepanitiaan di masing-masing aras untuk melaksanakan setiap program dan kegiatan yang telah diprogramkan dengan membuka peluang untuk masing-masing jemaat, resort dan distrik dalam memilih kegiatan sesuai dengan kebutuhan masing-masing.
Dalam hal ini, secara khusus HKBP Distrik XIII Asahan Labuhanbatu mengadakan Pesta Tahun Penatalayanan yang dilaksanakan pada tanggal 25 April 2010 bertempat di HKBP Kisaran Kota Resort Kisaran. Adapun sasaran dari kegiatan ini ialah untuk menyediakan 21 unit komputer dan printer yang akan dibagikan ke setiap resort. Sehingga beberapa saat yang akan datang  diharapkan semua resort yang ada di distrik XIII akan “on line”. Pada pesta tersebut, setelah selesai acara kebaktian yang dipimpin oleh bapak Sekjen HKBP Pdt. Ramlan Hutahaean, Mth dilanjutkan dengan pemberian Bingkisan Diakonia kepada 5 (lima) orang anak Yatim Piatu dari setiap resort. Dengan demikian kita dapat mengetahui bahwa HKBP Distrik XIII Aslab juga sudah menunjukkan kepeduliannya kepada masyarakat kurang mampu dan membutuhkan uluran tangan. Selain itu, kegiatan-kegiatan yang dilakukan antara lain:
      I.        Lomba Penatalayanan Huria Sabungan Resort, a.l:
            1.       Kelengkapan Administrasi:
a.       Buku daftar Anggota Jemaat (Tauf Registrasi)
b.      Buku daftar Anggota yang lahir
c.       Buku daftar Anggota yang dibaptis
d.      Buku daftar Anggota yang naik sidi
e.      Buku daftar Anggota yang melaksanakan akat nikah (Martumpol)
f.        Buku daftar Anggota yang menerima pemberkatan nikah
g.       Buku daftar Anggota yang baru masuk
h.      Buku daftar Anggota yang pindah
i.         Buku daftar Anggota yang menjalani siasat gereja dan penerimaan kembali
j.        Buku daftar Anggota yang meninggal
k.       Buku Warta Jemaat (Informasi, Kegiatan dan Keuangan)
l.         Buku daftar Infentaris
m.    File Surat (Surat Berharga, Surat Masuk dan Surat Keluar)
n.      Buku Khas
2.       Pengorganisasian Pelayan sesuai Aturan Peraturan seperti:
a.       Dewan Koinonia
b.      Dewan Marturia
c.       Dewan Diakonia
3.       Kebersihan Pargodungan (Jamban, Bunga, Pohon, Pekarangan, dll)
4.       Penataan Ruangan
        II.     Festival Gemende Koor (Bapak-Ibu)
       III.    Festival Vocal Group Pemuda/i
       IV.    Cerdas Cermat Alkitab Sekolah Minggu
Dari Perayaan Tahun Penatalayanan tersebut diharapkan semua warga jemaat dan pelayan saling mendukung dalam rangka mewujudkan gereja HKBP yang rapi tersusun, kokoh, dan kuat serta mampu melaksanakan tritugas panggilan gereja yaitu bersaksi, bersekutu dan melayani.
Posted in Acara/ Perayaan | Leave a comment

Jamita Minggu Jubilate 25 April 2010

              ULAON 15 : 6 – 18
  
Mansai denggan do ulaon panghobasion ni Apostel Paulus dohot si Barnabas di Antiokhia, pola do sude ruas ni huria na disini mangalehon rohana tu huria marhitehite angka pambahenanna be isarani na mangulahon holong dohot panumpakion tu angka huria na asing isarana Jerusalem . Alai di tongatonga ni situasi i muncul do angka hamaolon manang persaoalan-persoalan naimbaru so holan sian tongatonga ni halak naso manghaporseai Debata, alai justru sian angka halak Jahudi  naung gabe Kristen do (ay. 5). Disangajo nasida do ro sian Judea tu Antiokhia laho manggugai haporseaon ni ruas i taringot tu sunat. Sasintongna, dijalo nasida do hamamasuk ni angka sipelebegu gabe  Kristen marhitehite pandidion na badia, suang songoni diparhatopot nasida panobusion ni Jesus Kristus manesa dosa ni portibi on. Alai mansai  diharingkothon nasida do na ingkon jolo tarsunat asa boi manjalo haluaon naung pinatupa ni Jesus i (ay. 1), jala diparhatopot nasida do sunat i do na gabe pamusatan ni padan ni Debata tu si Abraham, na gabe sada patik na ingkon siradotan ni angka halak Kristen na ro sian sipelebegu. Sandok tahe, ndang sahat haluaon i molo so jolo tarsunat jala unduk tu patik ni si Musa. Ido umbahen na guntur huria i huhut mandosak Apostel Paulus dohot Barnabas laho pasidunghon parsalisian i.
          Borhat do si Paulus dohot  si Barnabas rap dohot pigapiga halak sian tongatonga nasida manopot angka apostel dohot angka pangituai na di Jerusalem laho pasidunghon salisi i. Dipatupa nasida ma parrapoton laho mangalului haputusan taringot tu persoalan i.  Jumolo do dipatorang si Paulus dohot Barnabas balga ni pambahenan ni Debata di pardalanan ni ngolu panghobasion nasida. Godang do halak na gabe porsea sian naso Jahudi ala ni ulaon ni Tondi Parbadia. Kenyataan on patubuhon las ni roha di tongatonga nasida. Dipatorang si Petrus do pangulaon ni Debata naso siida bohi (mardingkan) mangalehon haluaon tu saluhut jolma, termasuk ma na manjangkon angka sipelebegu (10:34-35; 11:1-18). Diparhatopot si Petrus do ndada holan alani patik umbahen na malua jolma i, alai holan ala ni asi ni roha ni Tuhan i sambing do (ay. 11, pat. Rom. 10 : 4). Alani do dipaingot si Petrus angka halak Jahudi sian rongkonan ni parise unang mangunjuni Debata marhitehite parbinotoan dohot habisukonna  sandiri. Ai atik pe adong angka aturan/tradisi na ingkon siulahononton  mangaradoti patik i, alai ndang jadi bahenon i gabe siarat mutlak manang gabe auga na dokdok di angka na naeng manghaporseai Debata.
            Ditolopi angka donganna na debanari do panindangion ni si Petrus. Diboto si Jakobus do na mansai maol tarjalo roha ni halak Jahudi hajongjongan nasida naung  sarupa dohot naso Jahudi di adopan ni Debata. Alani do dipatangkas si Jakobus na dohot do sipelebegu dipangke Debata laho mamaritahon barita nauli, lapatanna dohot do angka halak na asing ingkon parsidohot tu harajaon ni Debata. Marhite pandohan i naeng ondolhononna naso adong be parholangan ni halak Jahudi dohot naso Jahudi di bagasan Tuhan i. Dos do hajongjongan ni jolma i di adopan ni Debata, jala saluhut do rap naung pinalua marhitehite haporseaon di asi ni roha ni Tuhan i.
            Songon halak naung manjalo asi ni roha ni Debata hita marhite haluaon di bagasan Jesus Kristus, aha ma sipatupaonta? Parjolo: Tahamauliatehon ma asi ni roha ni Debata di ngolunta paboa naung dipalua Debata hita jala tahatindangkon ma godang ni pangulaon ni Debata di tongatonga ni ngolunta. Paduahon: Boi do masa parsalisian ala ni angka aturan na marasing di tongatonga ni huria i, jala boi do ro angka tantangan nang sian duru ni huria pe, gabe ndang jumpang hasadaon na masiurupan, alani sipasidingon do angka pingkiran na boi manegai parsaoran di tongatonga ni huria. Patoluhon, hombar tu goar ni Minggunta sadarion “Jubilate”, tama marolopolop jala marlasniroha hita marningot asi ni roha ni Debata di ngolunta naung patupahon haluaon di hita (Psalm. 66:1).  Tanda ni na marlasniroha, ingkon marparbue pangulaonta marhitehite na mamaritahon barita nauli tu tongatonga ni saluhut bangso. Lapatanna gabe ngolu na marpanindangi ma ngolu ni naung taruli di asi ni roha ni Debata. Amen.
Posted in Sermon/ Jamita | Leave a comment